Estudou Arquitectura Técnica, profesión que exerce na actualidade.

   Asistiu a cursos xunto a Fusa Guillén, Virginia Imaz, Txefo Rodríguez, José Campanari, R. Salgueiro, Carlos Neira ou Estrella Ortiz.

   Socio fundador en 1987 do Colectivo Garola de Cedeira, dedicada á creación e difusión do teatro infantil e codirector da colección de teatro "A Biblioteca Ambulante da Garola".

   Colabora coa Asociación de Amigos do Samaín na recuperación da tradición celta do tallado de cabazas no outono, organizando a Festa do Samaín.

   Actor e autor de escrita teatral, ten merecido os seguintes premios:

- II Concurso "Xeración Nós" de textos teatrais infantís por O segredo de Daniel (1988)

- VII Concurso "Xeración Nós" de textos teatrais infantís por A escada (1994)

- Finalista no VII Concurso "Xeración Nós" de textos teatrais infantís por O teatro dos soños (1994)

- Finalista no II Premio Meiga Moira de Literatura Infantil-Xuvenil por Os sons da buguina (2006)